आता का कवनं कसू! (पोवारी बोली)

*आता का कवनं कसू!* (पोवारी बोली)

~~~~~~~~~~~~~~~~~~~~~~~~

>> मोला मोरो लहानपन का दिवस याद आवं सेती. आम्ही साल मा एक-दुय सिलिमा देखत् होता. तबं चरित्रवान हिरो धीरू धीरू हिरोइन ला पटावत् रवत्. हिरोइन को अपमान करत् नोहोता. गंदी छेड़छाड़ बी करत् नोहोता. बोहूत सालवरी असाच सिलिमा बनत् होता. आम्ही कालेज मा गया तबंवरी थोड़ो-बोहूत असोच पिरम-बिरम होत होतो. काही जादा फरक पड़ेव नोहोतो.

    मंग आयेव् अमिताभ. ना मंग हिरोइन जरासी धीट भई. आता हिरोइनच हिरोला पटावन् लगी होती. पर आबं बी हिरोइनको रूतबा रवत् होतोच. हिरोइनला "माल" समजन् की परंपरा धीरूधीरू सुरू होन् लगी होती.

      मंग आयेव् शाहरूख. अना वोनं हिरोइनला आपली प्रापर्टी समजन् ला सुरू करीस. हिरोइन नही नही कवत् रही, पर शाहरूख मानतच् नोहोतो, पिच्छा सोड़तच् नोहोतो. मानी तं बेस, नही तं हिरोइनला मारन्-पिटन् ला, वोको खून करन् ला बी वू मंगं-पुढ़ं देखत् नोहोतो. वोको देखासिकीलं सप्पाई टूरू पोटू भी तसाच् चवचाल होन् लग्या. टूरीनं नही कहीस् तं वोला पेटाय् देनं, वोला चक्कू-सुरीलका भोसक् देनं, वोको चेहरापर एसिड फेक् देनं, असो अनर्थ होन् लगेव्. पर शाहरूख बिचारो नहीच् सुदरेव्. वोनं नवा-नवा मार्ग देखाईस टुरूपोटूईनला. आखिर असा बिगड़्या टुरू पोटूहीन् की हिंमत बलात्कार करन् ला बी नही डरन् लगी.

      मंग अखीन् "पिंक"मा अमिताभ आयेव ना वनं सांगीस का "नो मिन्स नो." पर अजवरी तरी वा बिगड़ी बात बनी नही से. आता देखनो पड़े, येको असर धीरू धीरू चांगलो होसे का तं? 😇🤣

¤

@ॲड.लखनसिंह कटरे,

बोरकन्हार-441902, जि.गोंदिया 

(03 एप्रिल 2017)

~~~~~~~~~~~~~~~~~~~~~~~~~~~~~~~~